Restablecemento do dobre sentido na rúa Xuncal

O Concello de Vigo puxo hoxe en coñecemento do público en xeral que a petición da Asociación Veciñal de Navia e por mor do remate das obras de renovación da canalización de abastecemento, que fixo a empresa Sercoysa, restablécese o dobre sentido de circulación na rúa Xuncal, dende o venres 02 de marzo de 2007 ás 10.00 horas. A medida adoptada anteriormente de establecer o sentido único no vial provocou encendidas protestas dos veciños residentes na rúa que se miraban obrigados a nalgún caso realizar un rodeo de varios quilómetros para acceder ao resto da parroquia.