A cooperativa de vivendas de Vitrasa sumase ao conflito de Navia

Tras Nova Navia e UXT, agora é a Cooperativa dos traballadores de Vitrasa a que se suma á polémica da adxudicación de 192 vivendas de promoción pública á Federación de Asociacións de Veciños de Vigo. Esta adxudicación desatou duras críticas por parte destas cooperativas que optaban ao concurso e que consideran irregular o procedemento seguido pola Consellería de Vivenda e Solo. Segundo se publica hoxe no xornal La Voz de Galicia, a cooperativa de Vitrasa dará a coñecer a súa posición, tendo en conta que xa recibiu o certificado das actas que motivaron a resolución que tomou a conselleira Teresa Táboas. Os empregados da concesionaria do transporte urbano explicarán a súa postura no local da Asociación de Veciños de Val do Fragoso.