Festas patronais de San Paio de Navia 2007

Dende hai varias semanas a Comisión de Festas de San Paio de Navia está facendo a entrega do tradicional libro da festa polos domicilios da parroquia e recollendo as derradeiras donancións voluntarias dos veciños para axudar a sufragar os gastos da celebración. Este ano as festas realizaránse os días 22, 23, 24 e 25 de xuño, coincidindo a misa solemne, procesión e bico da reliquia do noso patrón San Paio o domingo 24 ás 12 horas na igrexa parroquial. O programa de festexos trae este ano á Orquesta Nova Imperial e Orquesta Iris o venres 22 a partir das 22.00 horas. O sábado 23 a partir das 19.00 horas haberá pasarrúas por toda a parroquia a cargo do Grupo de Gaitas Aires de Santes e a partir das 22.00 horas amenizarán a velada a Orquesta Casablanca, Orquesta Mayel e a Orquesta Atracción Salsa Rosa. Na xornada do domingo 24 haberá pasarrúas a cargo da Banda de Música de Arbo e actuará a Orquesta Marbella apartir das 21.00 horas. Finalmente o luns 25 haberá pasarrúas a cargo da Murga O Son da Festa a partir das 10.00 da mañá, realizaranse as tradicionais Cucañas a partir das 17.00 horas no torreiro da festa e finalmente actuará a Orquesta Ceniza a partir das 21.00 horas.