As carreiras ilegais de Navia non supoñen delito

Segundo recolle hoxe o xornal Faro de Vigo as carreiras ilegais detectadas en Navia non son delito, segundo se desprende da decisión da Fiscalía de Pontevedra de arquivar a denuncia presentada por un grupo de empresarios contra esas prácticas no Campiño pecha a vía a un procedemento penal aos condutores participantes. Ainda así, a fiscalía insta na súa resolución a que estes casos sexan investigados pola Garda Civil e impoña as sancións administrativas que correspondan. O fiscal Benito Montero argumenta o ditame do Ministerio Público en base a varias razóns. Así, expón que non existen probas que acrediten que a condución dos interrogados puxese en perigo a vida ou integridade dos centos espectadores que se concentraban no lugar polas noites e as madrugadas dos fins de semana, nun claro ambiente lúdico, para ver a pericia dos pilotos e a competicións que se facían, en concreto, no Campiño. Engade, non existe denuncia algunha contra eles e ademais dáse a circunstancia de que todos os que contemplaban as competicións estaban alí voluntariamente. En calquera caso, os espectadores coidábanse de esquivar os vehículos. Podemos falar de perigo nun sentido abstracto, explicaba o fiscal que equipara o risco que corrían os espectadores das carreiras non autorizadas ao que asumen os que asisten aos rallies de competición homologados.