Admitido un recurso contra a adxudicación de Eduardo Chao

Segundo publica hoxe o diario La Voz de Galicia, un xulgado vigués admitiu a trámite o recurso contencioso interposto pola Cooperativa Nova Navia contra a adxudicación de 192 vivendas de protección oficial á Federación de Veciños. A cooperativa alega que o proxecto construtivo non se axusta ás condicións do concurso da Consellería de Vivenda gañado pola FAVEC. Acusa a esta de cambiar o proxecto urbanístico e solicita que se paralice a adxudicación. José Manuel Pérez e Vitorino Enríquez, responsables de Nova Navia, presentaron unha querela contraa presidenta da FAVEC, Elena González, por unhas polémicas declaracións realizadas hai unhas semanas na prensa.