Exhibición de barcos a radiocontrol en Samil

O pasado domingo 4 de febreiro, a partir das once da mañá, a Asociación de Modelistas Navais de Galicia (Amonaga) organizou unha exhibición de barcos a escala por radiocontrol na piscina pública da praia de Samil con forma da Ría de Vigo, a situada ao Sur do areal e próxima ao complexo polideportivo municipal. A exhibición, na que participaron máis dunha decena de embarcacións, foi seguida de preto por numerosos curiosos e paseantes sorprendidos pola actividade. Ésta repetirase o primeiro domingo de cada mes ata o 3 de xuño. Logo durante os meses de verán (xullo, agosto, setembro) as exhibicións se realizarán no estanque do Monte dos Pozos en Valadares.