Veciños de As Teixugueiras denuncian o acoso de cans ceibes no parque do barrio

Os veciños do barrio de As Teixugueiras denuncian as molestias que ocasionan un fato de cans ceibes que acosan durante a noite a varios cabalos prendidos na zona verde do futuro parque do barrio. Segundo manifestan algúns veciños no foro de Paudenavia.net hai varios días que a situación está denunciada perante o Concello de Vigo sin que polo momento este poña remedio nin de mostras de facer algo ao respeto. Neste senso algún veciño xa comunicou o problema e solicitou a intermediación da Asociación Veciñal de Navia para solventar esta situación que se repite casi cada noite dende hai unha semana.