Accidente motonáutico na praia de Samil

Segundo recolle hoxe o diario La Voz de Galicia, numerosas persoas víronse sorprendidas polo accidente que sufría o piloto dunha moto náutica na zona central da praia de Samil. Segundo testemuñas presenciais, a moto foi elevada bruscamente por unha gran onda, que arroxou ao piloto da embarcación. Na súa caída, esta persoa chocou contra a súa motonave e fíxose algunha ferida na cara. O mozo gañou a praia cos seus propios medios e despois foi axudado polos paseantes. Finalmente, foi evacuado por unha ambulancia do 061 que se presentou na zona acompañada por unha dotación da policía local.