Presentada unha moción sobre a seguridade no PAU Navia

O grupo municipal do BNG no Concello de Vigo incluíu unha moción estos días para tratar no pleno do próximo luns 26 de febreiro, no que realiza unha serie de reclamacións en torno á seguridade vial na urbanización do PAU Navia. Entre as medidas propostas para acordo son, que de forma inmediata se proceda a dotar dos correspondentes sistemas de seguridade viaria aos accesos peonis ao PAU Navia e ao situado na intersección do 2º cinturón VG-20 coa Avenida Ricardo Mella e que se estude a posibilidade de habilitar novos accesos que fagan mais doada a comunicación con Coia e o resto da parroquia de Navia. Tamén que se acometa a sinalización vertical e horizontal precisas na parte do PAU xa transferida ao Concello. En materia de transporte público solicita o BNG que se prolonguen as liñas de autobuses urbanos que teñen o seu remate no cemiterio de Coia para darlle servicio os veciños de Navia e en materia de limpeza que se proceda á realizar a limpeza axeitada das beirarrúas e se recolla todo o lixo verquido.