Progresan as obras na rúa Xuncal

O pasado xoves 25 iniciáronse as obras de sustitución das tubaxes da rede de abastecemento de augas na rúa Xuncal, polo extremo próximo á rúa San Paio. Nesta rúa que comunica coa Avenida Ricardo Mella e rúa Caramuxo rexistráronse nos tres últimos anos case unha decena de roturas e filtracións na rede de augas, que obrigan agora a efectuar similares traballos aos executados na rúa San Paio. As obras, calculan os técnicos do Concello, extenderánse durante alomenos 10 días sin chegar a cambiar a totalidade do tramo das tubaxes. O tránsito rodado na rúa voltouse máis complicado cos traballos, perigoso incluso para os peóns no cruce coa rúa Pedra Seixa no momento da entrada e saida dos escolares do CEIP Alfonso R. Castelao.